Адыгэ кIэн баим щыщхэу, шъыхьахьых шъыгъо IэшIагъэх, – Тэу Аслъан

Ижъырэ кIэн бай зиIэ лъэпкъхэм адыгэхэр ащыщых. Сыд лIэужыгъорэ артефактэу тэ, археологхэм, къэдгъотыжьхэрэм янахьыбэхэм тарихъ, культурэ ыкIи хэгъэгу мылъку мэхьанэшхо яI. Дышъэм, тыжьыным хэшIыкIыгъэхэр е зитеплъэкIэ хьэламэтэу гъэпсыгъэхэр лъэпIэ дэдэх. МыутIэ ыкIи скиф культурэхэм ахахьэхэу Темыр Кавказым, Тенэ Iушъо, Украинэм икъыблэ чIыналъэхэм ыкIи Къырым къыщачIахыжьырэ пкъыгъохэм ащыщхэр тилъэпкъ иижъырэ культурэ епхыгъэх.