Хьау, IукIыжьынышъ, зыгорэм рекIокIынэу арэп. Нахь зыIуигъэпытахьыгъэуи хъункIи пшIэнэп. КIо, иIэнатIэ нэмыкI цIэкIэ теджэхэзэ тшIыщт. ГущыIэм пае, нахьыпэм «лIышъхьэ» тIощтыгъэмэ, джы «шъхьэ» закъор дгъэфедэн фаеу къекIы. Мары ащыкIэ ежь президентым ипресс-къулыкъу къытхырэр:
«Сессием (Госсовет-Хасэу, тыгъуасэ, мэлылъфэгъум и 20-м щыIагъу, ежь президентыр зыхэсыгъэм) еджэгъуитIури зэикIэу хэбзэгъэуцугъэр щаштагъ. АщкIэ Адыгеим и Конституцие ия 4-рэ пункт, ия 7-рэ статьяу, и I-рэ пычыгъом зэрэратхагъэмкIэ республикэм илIышхьэ «президент» ыцIагъэмэ, джы «шъхьэ» тIонэу аIуагъ.
Зэхэсыгъом къэтэджыгъэхэм къызэрэщаIуагъэу, ар нахь дэгъу, нахь заф, сыда пIомэ, къаралыгъэм зы лIышъхь ныIэп иIэ хъущтыр, адрэхэр шъхьэнхэ фае. НэмыкIэу упсэун пIомэ, кризисыри нахь куу хъущт, зэмызэгъыныгъэхэри къэлъшыщт, мэзхэми нахь къакIэнэщт. Шъхьэгуащэу тызщыгушIукIэу тиIэри игъукIын ылъэкIыщт.
Ахэр къытэмыхъулIэным пае къаралыгъо лIышъхьэшхори гумэкIыгъ, премьершъхьаIэми зицунтхъэжьыгъ, Думэри лъэшэу хэгупшысыкIыгъ. Ащ ыуж – джы мыIушыхэу е Iофышхом зыщадзыеу пIон плъэкIына? – джащ фэшI хэбзэгъэуцугъэ къыдагъэкIыгъ. Арышъ, у Адыгеемэ, плъэкIымэ умыгъэцакI!
natpressru.ru
