Ау къышъуфэсIотэн слъэкIыщтэп.
Ар Убыхыбзагъ».
Зешъу Эсэнч Тефик
Къафкъас Хасэхэм яфедерацие Адыгабзэм ИятIонэрэ Дунэе ШIэнIуатэ (конференцие), 2013-рэ илъэсым сентябрым и 27-29 мафэхэм Анкара щызэхещэ.[/b]
ЯтIонэрэ Дунэе ШIэнIуатэм пшъэрылъитIу зыфегъэуцужьы:
1) Диаспорам/IэкIыб къэралхэм адыгабзэр къыщыухъумэн, ныдэлъфыбзэм изэгъэшIэн, лъэпкъымкIэ яIэ уасэм гу лъытэ фягъэшIын; Адыгабзэм изэгъэшIэн зезыгъэушъомбгъущт екIолIакIэхэм нахь тэрэзыр къыхэхын.
2) Диаспорэм щыпсэоу, ныдэлъфыбзэр зымышIэжьырэ кIэлэцIыкIухэм ныдэлъфыбзэр ягъэшIэным адыгабзэр зыIэкIэзыгъэ нахьыжъхэм къягъэштэжьыным иметодхэм/ишIыкIэхэм якъыхэхын, IэпыIэгъу Iэмэпсымэхэм ягъэхьазэрынкIэ зэхэгущыIэжьыныр, Адыгабзэм изэгъэшIэн фэгъэхьыгъэу тшIыгъэ зэфэхьысыжьхэмкIэ тызэдэгощэн, диаспорэм щыпсэухэрэм адыгабзэр зэрэрагъашIэрэ шIыкIэхэм нахь тэрэзхэр къыхэхын, кIэлэцIыкIу орэдхэм, пшысэхэм, Iотэжьхэм, IурыIупчъэхэм афэдэ кулътурэ/шIэнхабзэ лэжьыгъэхэр шIуагъэ къытэу зэрэбгъэпсэолъэн плъэкIыщтыр къэгъэлъэгъон, тхэпкъылъэ, учебник, гущыIалъэ, нэрылъэгъу Iэмэпсымэхэм афэдэу ныдэлъфыбзэр ябгъэшIэнымкIэ агъэпсэуалъэрэ IэпыIэгъу материалхэр нахьышIу шIыным фэшI интернетым иIэпыIэгъукIэ зэдэгуащэрэ купхэр зэхэщэн.
Адыгабзэмрэ адыгэ кулътурэмрэ/шIэнхабзэмрэ къэухъумэн, хэхъоныгъэ ягъэшIынымкIэ осэшхо иIэу тлъытэрэ мы шIэнIуатэм, зэрэпсаоу лъэпкъыр, лъэпкъ организацэхэр, адыгабзэ языгъэджыхэрэр, шIэныгъэлэжьхэр алъэкI къамыгъанэу зыхэлажьэхэкIэ ары шIогъэшхо къызитыщтыр.
Арышъ, бзэ пстэури цIыф лъэпкъым икIэнэу ибаиныгъэу зылъытэрэ,
Адыгабзэр къэухъумэн, гъэпсэун, ащ хэхъоныгъэ егъэшIыным фэгумэкIырэ,
Адыгабзэр аригъэшIэным фэIэзэ, еплъыкIэ горэ къыхэзылъхьэн зылъэкIыщт хэтрэ зы цIыфи,
организаци Адыгабзэм ИятIонэрэ Дунэе ШIэнIуатэм шъухэлэжьэнэу шъукъетэгъэблагъэ.
[b]Къафкъас Хасэхэм Яфедерацие, сентябрым и 27-29, 2013 гъэ / Анкара
ШIэнIуатэм къыщыпсалъэ зышIоигъо егъэджакIохэм, шIэныгъэлэжьхэм къапсэлъыщтым икупкIэр 2013-рэ илъэсым ябгъонэрэ мазэм итIум ехъулIэу къытIэкIагъэхьэмэ игъу.
Секретерятыр:
Betül Dinçer
Kafkas Dernekleri Federasyonu
Senyuva Meriç sokak No: 44, Bestepe
Ankara, Turkey
e-posta: info@kaffed.org, Tel: +90 312 222 8589
