Адыгэ Республикэм илъэпкъ театрэ ия 74-рэ IофшIэгъу лъэхъан Цэй Ибрахьимэ ипьесэ техыгъэ къэгъэлъэгъоныкIэу «КъокIас» зыфиIорэмкIэ мы тхьмафэу блэкIыгъэм зэфишIыжьыжьыгъ. ЗэрэзэлъашIэу, Адыгэ театрэм лъапсэ фэзышыгъагъэр тхакIоу, драматургэу Цэй Ибрахьим.
Пэублэм зичэзыу Iофшэгъу илъэсыр театрэм къызэрэдэхъугъэм зэфэхьысыжь кIэкI ащ ирежиссер шъхьаIэу Кукэнэ Мурат къыфишIыгъ. Ар къызэрэдэхъугъэм ишыхьат Адыгеим имызакъоу Пшызэ шъолъыр дэкIыгъо къэгъэлъэгъонхэр зэриIагъэхэр, къэралыгъом икъэлэ шъхьаIэ апэрэу театрэр кIон зэрилъэкIыгъэр, къыщиIуагъ мыщ режиссер шъхьаIэм.
Ащ ыуж спекталэу «КъокIасэр» артистмэ къагъэлъэгъуагъ. Лъэпкъ театрэр зыщыIэ илъэсхэм къакIоцI мы спектаклэр ящэнэрэу агъэуцугъ. Апэрэм ежь Цэй Ибрахьим дэлэжьэгъагъэр. Нэпэ ащ щегъэжьагъэу анахьэу зэблэхъугъэу зыфаIорэр ныдэлъфыбзэр ары. Джащ пае джы лъэпкъым IэкIэзыгъэ гущыIэхэу спектаклэм къыхафэхэрэр программэу нэбгрэ пэпчъ аратыгъэм ратхагъэх.
«КъокIасэр» Адыгэ театрэм къызэрэдэхъугъэм ыкIи и репертуар ифэшъошэ чIыпIэ зэрэщыиубытыщтым пстэуми яцыхьэ телъыгъ. Мы къэгъэлъэгъонымкIэ Адыгэ лъэпкъ театрэм ия 75-рэ IофшIэгъу лъэхъаныкIэ джыри къызэIуихыщт.
Адыгэ Радиом къытыгъэ къэбарым техыгъ
natpressru.ru
