Урысые къэралыгъом иIэшъхьэтэт иунашъокIэ Хэгъэгу кIоцI IофхэмкIэ министерствэу Адыгеим шыIэм ипащэ хъугъэр полицием иполковникэу Речицкэ Александр. Нахьыпэм мы зы нэбгырэр Волгоград щыпсэущтыгъ, терроризмэм пэшIуекIоу Хэгъэгу кIоцI IофхэмкIэ игъэIорышIэпIэ шъхьаIэу а хэкум шыIэм ипащэ игуадзэу Iоф щишIагъ.
Сахалин ит къалэу Макаров 1964-рэ илъэсым Речицкэ Александр къыщыхъугъ. Хэгъэгу кIоцI IофхэмкIэ УФ-м игъэIорышIапIэ и Академие къыухыгъ, криминал полицием илъэс 15-м къыкIоцI къулыкъу щихьыгъ. Джащ фэдэу хэгъэгу IофхэмкIэ Волгоград хэкум игъэIорышIапIэ зэхэщэгъэ бзэджэшIагъэм ебэныгъэнымкIэ икъутамэ ипащэу, экстремизмэм пэуцуныгъэмкIэ шъолъыр гупчэм иIэшъхьэтетэу охътэ зэфэшъхьафхэм Речицкэ Александр Iоф ышIагъ.
«Хэгъэгум ыпашъхьэ гъэхъагъэу ышыгъэхэм апае» зыфиIорэ орденым и медаль, «ЦIыфымэ ярэхьатныгъэм икъэухъумэн зэрэфэлажьэрэм пае» зыфиIорэ медалыр Речицкэ Александр къыфагъэшъошагъэх.
Кэбарыр Адыгэ Радиом къытыгъэм техыгъ.
natpressru.ru
