Краснодар къуапэм и «Адыгэ Хасэ» и Тхьаматэу Сэхъутэ Аскэр хьапсэу зычIагъэтIысхьэгъагъэм къычIэкIыжьыгъ. Ар къэзыушыхьатырэр мэфэ заулэ шIагъэу Facebook-ым зикIодыкIыгъэр, тыгъуасэ, Мэзаим и 22-м, иапэрэу къихьажьыгъ. Ителефони къызэIукIыжьыгъ, удэгущыIэн олъекIы. Шъугу къэтэгъэкIыжьы, Сэхъутэм иIоф аущтэу ошIэ-дэмышIэу зэпыугъэ зыщихъугъэр мы мазэм и 14-р ары.
Апэрэ гущыIэхэу и Facebook нэкIубгъо Сэхъутэм къыригъэхьагъэмкIэ къыфэгумэкIыгъэ пстэуми шъопсэу ареIо. «Сэгугъэ, — къыщыхегъэщы ащ итхыгъэ, — хэукъоныгъэу къысашIылIагъэр суд шъхьаIэу Краснодар къуапэм щылажьэрэм ыгъэунэфынэуи, ыгъэтэрэзыжьынэуи. Ау ар охъуфэ, къысэхъулIагъэм зи къесымыIуалIэмэ нахьышIукIэ сэгугъэ. Лъытэныгъэ къышъуфэзышIэу Сэхъутэ Аскэр».
ТапэкIэ Натпрессым къызэритхыгъагъэу, мэзаем и 14-м пчыхьэ кIасэ хъугъэу Сэхъутэм ипшъашъэ Краснодар дэт еджапIэм машынэмкIэ къырищыжьызэ, къэлэ гъунэм къэсыгъэу, полицием хэтмэ къыщагъэуцугъ. Мыхъо-мышIэ горэ къызхигъэфагъэ фэдэу аIуи, ар иушъхьагъэу адэдэм щаубытыгъ. Ятонэрэ мафэм аумыси, мэфи 8-м къакIоцI хьапсым чIагъэсыгъ.
natpressru.ru
