РафтингымкIэ зэнэкъокъухэу «Интерралли-Шъхьэгуащ» зыфиIохэрэр мэлылъфэгъум и 27-м Мыекъопэ районым щырагъэжьагъэх. Ащ къыдхэлъытагъэх Урысые Федерацием, ЮФО-м ыкIи республикэм ячемпионатхэр. Зэнэкъокъухэм ахэлэжьэщтхэр Гъозэрыплъэ щызэрэугъоигъэх, пэшIорэгъэшI ушетынхэр псыхъоу Шъхьэгуащэ щакIу.
Тызэрэщагъэгъозагъэу, непэ рафтигымкIэ Адыгэ Республикэм ичемпионат къызэIуахыщт. ХэушъхьафыкIыгъэ чIыпIэ а зэнэкъокъум къыщыдэзыхырэ купхэм Урысые чемпионатым хэлэжьэнэу амал яIэщт. Ар неущ сыхьатыр 10-м рагъэжьэнэу ары. Ахэмэ адакIоу неущ ыублэу шэмбэтым нэс Къыблэ фэдерацие шъолъырым ичемпионати кIощт.
КъэIогъэн фае, «Интерралли-Шъхьэгуащ» зыфиIорэ зэнэкъокъухэр, ащ къыдалъытэрэ Iофтхьабзэхэр я 35-рэу Адыгеим мыгъэ щызэрахьэх. ЕтIани шъугу къэдгъэкIыжьын фае, хъулъфыгъэхэри бзылъфэгъэхэри мы гъэтхэ-зекIо джэгунхэм зэрэхэлажьэхэрэр. Зэнэкъкъухэр къихьащт мазэм и 6-м нэс кIощтых.
natpressru.ru
