ЩэшIэ Аслъан: ШIухьафтын (Iотэжь)

– Нэнэжъ, зыгорэ агъэгушIонэу ратырэм сыда адыгабзэкIэ зэреджэхэрэр? – еупчIыгъ янэжъ Сурэт. – ШIухьафтынба, – къыриIожьыгъ адрэм. – Сэри аущтэу аIоу зэхэсхыгъэ, ау гущыIэ гъэшIэгъонба мыр: зыкIэ «шIу», ятIонэрэмкIэ «хьафы», ящэнэрэмкIэ «тыны». КъэпIон плъэкIыщта, нэнэжъ, мыр аущтэу зыкIыщытыр? – Олъэгъуа, Аминэт, непэрэ кIэлэцIыкIухэр зэрэнэутхэхэр? КъызкIэупчIагъэм изакъоми сыд ымыуаса? – риIуагъ нэнэжъ ягъунэгъу ныоу дыщысым.