Адыгэ лъэпкъ-гъэкIодыр Украинэм къыштэнэу зызэрэфагъэзагъэр еплъыкIэ зэтекIхэр иIэх
Украинэм ипарламент адыгэ лъэкъгъэкIодыр къаштэнымкIэ лъэIу зэрэфырагъэхьыгъэм теуфагъэу еплъыкIэ зэфэшъхьафых ежь адыгэхэм азфагу къекIокIрэр. КIэлъэIум кIэтхагъэхэм ащыщ Адыгеим щыщ журналистэу ЩэшIэ Аслъан, тарихълэжьэу Абрэдж Альмир, израиль щыщ политологэу Шмулевич Авраам, Дунэе Къушъхьэ Конгрессым икоординаторэу Дагъстан щыщ Магомедов Магомед, Къохьэпэ хэхыныгъэ зыфиIорэ партым хэт Кулокова Эльвира.
Украинэм адыгэ лъэпкъгъэкIодыр илъэсым ыкIэ нэс ыштэным ежэх
Украинэм и Парламент адыгэ лъэпкъгъэкIодыр ыштэнэу мы мафэхэм фэгъэзэныгъэ фашIыгъ. КIэлъэIум кIэтхагъэхэм ащыщ Адыгеим щыщ журналистэу ЩэшIэ Аслъан, тарихълэжьэу Абрэдж Альмир, Израиль щыщ политологэу Шмулевич Авраам, Дунэе Къушъхьэ Конгрессым икоординаторэу Дагъэстан щыщ Магомедов Магомед, КъохьэпIэ хэхыныгъэ зыфиIорэ партием хэт Кулокова Эльвира, Адыгэ дунэе лъэпкъ-культурэ гупчэу «Фитыныгъэр».
ХэбзэгъэуцугъакIэм адыгэ лъэпкъэгъумэ зэрар къафихьыным Адыгеим щытещыныхьэх
КъэралыгъуитIумэ зэряцIыфым епхыгъэ къэушыхьатыныгъэхэр Iуахыжьыным игухэлъ УрысыемкIэ IэнэтIэIыгъхэм къыщхагъщыгъ. ХэбзэгъэуцугъакIэ хъунэу щытэу зыхэплъэнэу агъэхьазыррэ шапхъэм зэритымкIэ, цIыфмэ зы къэралыгъоу зырицIыфмэ зышIоигъор къыхахын фае хъунэу ары къызэрэхъущтыр хэбзакIэр унэшъошIмэ аштэмэ.
Адыгабзэм икъэухъумэнкIэ дунэе комитетым иемызэгъ-джэпсалъ
Къэбэртэе-Бэлъкъар Республикэм ипарламент ихэбзэихъухьэхэмэ ашIыгъэ унашъом зэремызэгъыхэрэр Адыгабзэм икъэухъмэнкIэ дунэе комитетым къыреIотыкIы. Ащ ипащэхэмэ зэкIэри зэрагъэгугъэщтыгъэхэм емылъытыгъэу, «КъБР-м игъэсэныгъэ» зыфиIорэ хэбзэгъэуцугъэм адыгабзэм фэгъэхьыгъэ зэхъокIыныгъэхэр фашIыгъэхэп.
Урыс-Кавказ заом фэгъэхьыгъэ гукъэкIыжь зэхахьэ Тахъутэмыкъуае щыкIуагъ
Гъэтхапэм и 9-м Адыгэ республикэм ит Адыгэ къуаджэм Тэхъутэмыкъуай дэт Адыгэ-ХьакIэщым Урыс-Кавказ заом фэгъэхьыгъэ гукъэкIыжь зэхахьэ щыкIуагъ. Ащ кIэщакIоу фэхъугъэр Тэхъутэмыкъуае шъолъырым щыщ Адыгэ кIалэхэр ары. Зэхахьэм хэлэжьагъ Мыекъопэ къэлэ Хасэ – Черкес совет игъэцэкIэкIо куп.
Адыгэмэ якъэкIожьын нахь къины ашIы зэпыт
Илъэсэу къихьагъэм иапэрэ мафэ къыщыублагъэу федеральнэ хэбзэгъэуцугъэу «Урысые Федерацием къызэрихьащтхэ ыкIи зэрикIыщтхэ шIыкIэм ехьылIагъ» зыфиIорэм ыкIи федеральнэ хэбзэгъэуцугъэу «IэкIыбым къикIыгъэхэм Урысые Федерацием хабзэмкIэ фитыныгъэу щыряIэщтхэм ехьылIагъ» зыфиIорэм ия 5-рэ статья зэхъокIыныгъэхэу афэхъугъэхэм кIуачIэ яIэ хъугъэ.
Урысыем икъэлэ анахь къэшIэжьыгъошIу раIолIэнэу Мэекъуапэ «мэбанэ»
Хэгъэгум икъэлэ анахь къэшIэжьыгъошIуитфым ясатыр Мэекъуапэ хэхьагъ, уахътэм яплъэнэрэ чIыпIэм уцугъэ, нэбгырэ мин 23 амакъэ ащ фатыгъ. «Урысыем икъалэ – лъэпкъым къыхехы» зыфиIорэ интернет-зэнэкъокъур щылэ мазэм рагъэжьэгъагъ. Компьтерыр зыгъэфедэхэрэм яшIошъкIэ нахь къэшIэжьыгъошIу къалэу къэралыгъом итхэр гъэнэфэгъэным мы Iофтхьабзэр фэIорышIэ.
Краснодар къуапэм и «Адыгэ Хасэ» и Тхьаматэу Сэхъутэр хьапсым къычIэкIыжьыгъ
Краснодар къуапэм и «Адыгэ Хасэ» и Тхьаматэу Сэхъутэ Аскэр хьапсэу зычIагъэтIысхьэгъагъэм къычIэкIыжьыгъ. Ар къэзыушыхьатырэр мэфэ заулэ шIагъэу Facebook-ым зикIодыкIыгъэр, тыгъуасэ, Мэзаим и 22-м, иапэрэу къихьажьыгъ. Ителефони къызэIукIыжьыгъ, удэгущыIэн олъекIы. Шъугу къэтэгъэкIыжьы, Сэхъутэм иIоф аущтэу ошIэ-дэмышIэу зэпыугъэ зыщихъугъэр мы мазэм и 14-р ары.
Налщыкъ къэзыгъэзэжьыгъэхэу щеджэрэ студентхэр хэкум рафынхэ агу хэлъ
Мэзаем и 8-м Къэбартае-Бэлькъар республикэм икъэлашъхьэ Нальщыкъ Шъачэ олимпиадэм пэуцожьэу мырэзэныгъэ зэхахьэ щыкIуагъ. Ащ полицием нэбгрэ 30 фэдиз ыубти хьапсым чIидзэгъагъ. Мыхэм янахьыбэр атIупIщыжьыгъэх. Непэ нэбгритIур джыри хьапсым зэрэчIэсых, къеты къэбарыр «Сircassiatimes.blogspot.ru» зыфиIорэ сайтым.
Къурджым мамырныгъэ емызэгъ-зэхахьэ Шъэчэ олимпиадэм ипэгъокIэу щыкIощт
Унэу лъэпкъ шхьафитмэ (UN) яеу Тифлыс дэтым ыпашъхьэ мэзаем и 7-м сыхьатыр 17-м мамырныгъэ зыхэлъ емызэгъ-зэхахьэ щыкIощт. ЦIыфхэу ащ къекIолъэщтхэр зыпэуцужьыщтхэр Шъачэу адыгэхэр лъыгъачъэ-лъэпсэгъэкIод зыщашIыгъагъэ чIыгум олимпийскэ Джэгунхэр зэрэщагъэпсырэр. Емызэгъ-зэхахьэ зэхэзыщэхэрэм мы IофыгъомкIэ джэпсалъэ урысыбзэ-къурджыбзэ-инджылызыбзэкIэ гъэпсыгъэу фэйсбукым къырагъэуцуагъ.
