Унэу лъэпкъ шхьафитмэ (UN) яеу Тифлыс дэтым ыпашъхьэ мэзаем и 7-м сыхьатыр 17-м мамырныгъэ зыхэлъ емызэгъ-зэхахьэ щыкIощт. ЦIыфхэу ащ къекIолъэщтхэр зыпэуцужьыщтхэр Шъачэу адыгэхэр лъыгъачъэ-лъэпсэгъэкIод зыщашIыгъагъэ чIыгум олимпийскэ Джэгунхэр зэрэщагъэпсырэр. Емызэгъ-зэхахьэ зэхэзыщэхэрэм мы IофыгъомкIэ джэпсалъэ урысыбзэ-къурджыбзэ-инджылызыбзэкIэ гъэпсыгъэу фэйсбукым къырагъэуцуагъ.
Мы емызэгъ-зэхахьэу Тифлыс щыкIощтым мамырныгъэм имызакъоу цIыфыгъэшхори хэлъэу плъытэн плъэкIыщт. Сыда пIомэ, зэрэугъоищтхэм адыгэхэу Урыс-Кавказ заом ыпкъ къикIэу, егъэзыгъэу дунаим щитэкъуахьыгъэ хъугъэхэмэ адырагъаштэу, ахэр яхэкужъ кIожьышъунхэу амалхэр аратыным фэдэощтых.
natpressru.ru
