Адыгеим икIэлэцIыкIу орэдыIо купэу «Ащэмэзыр» Налщыкъ щыкIогъэ фестивалым хэлэжьагъ
«Зэкъошыныгъэм» и Дунэе фестивалэу къалэу Налщыкъ щыкIуагъэм Адыгэ Республикэм икIэлэцIыкIу орэдыIо купэу «Ащэмэзыр» хэлэжьагъ. «О ужъуагъу» зыфиIорэ Урысые фестивалэу гъэтхапэм Налщыкъ щыкIогъагъэм мы ансамблэр иIэпэIэсэныгъэкIэ къыщыхагъэщыгъагъ. Зэнъэкъокъум текIоныгъэр къызэрэщыдихыгъэм къыхэкIэу орэдыIо купыр зичэзыу фэстивалыми хэлэжьэнэу рагъэблэгъагъ.
Мы илъэсым ишышъхьаIу и 1-рэ мафэм Рамадан мазэр къежьэ
Алахь зизакъом тышъуфелъэIу нэкIмэзэ мазэм къыкIоцI зешъухьэрэ шIушIэхэр, зэфэгъэ-Iэдэбныгъэхэр, шъуинэмазхэр, шъуитхьэлъэ-Iухэр Тхьам къабыл шъуфишIынэу, ипсэпагъэ мыухыжь къызэритыщтхэу, джэнэт лъапIэмкIэ ыгъэгушIощт быслъымэнхэм ащыщ зэкIэхэми Тхьам шъуишIынэу.
Урысыем и Къыблэ шъолъыр дзюдомкIэ изэнэкъокъу Мыекъуапэ и 29-31-м щызэхащэ
Урысыем и Къыблэ шъолъыр дзюдомкIэ изэнэкъокъу бэдзэогъум и 29-31-м Адыгэ къэралыгъо университетым физкультурэмкIэ ыкIи дзюдомкIэ иинститут щыкIощт. Мы мафэхэм тибэнакIохэм зэIукIэгъухэм зафагъэхьазыры.
Адыгеим и «Зэкъошныгъэр» Бразилием «ихэшыпыкIыгъэ» футболистмэ адешIэщт
Бэдзэогъум и 27-м мыекъопэ «Зэкъошныгъэм» Бразилием ифутбол командэ ныбджэгъу ешIэгъу дыриIэщт. ЗэIукIэгъур стадионэу Юностым» щыкIощт. «Зэкъошныгъэм» итренер шъхьаIэу Кобл Анзор къызэрэтиIуагъэу, ныбджэгъу ешIэгъум тифутболистхэу командэм къыхэнагъэхэр, «Зэкъошныгъэм» къырагъэблэгъагъэхэу аштэ ашIоигъохэр хэлэжьэщтых
Адыгеим Абу Хьанифэ ыцIэ зыхьырэ Ислъам университетым икъутамэ къыщызэIуахы
Дин лэжьэу Абу Хьанифэ ыцIэ зыхьырэ Ислъам университетэу Налщыкъ дэтым икъутамэ Адыгеим къыщызэIуахыщт. Аш фэгъахьыгъэ тхылъхэм ягъэхьазырын Мыекъопэ гупчэ мэщытым иIофышIэхэр дэлажьэх.
Милицием щыщыгъэхэу полицием хагъэхьащтхэр Адыгеим щауплъэкIунхэу ары
Полицием фэгъахьыгъэ къэралыгъо хэбзэгъэуцугъэм гъэтхэпэмазэм иапэрэ мафэ щегъэжьагъэу кIуачIэ иIоу хъугъэ. Мы мафэхэм а къулыкъум иIофышIэхэм зимычэзыу аттестацие акIунэу загъэхьазыры. ХэгъэгукIоцI IофхэмкIэ министерствэу Адыгеим щыIэм ипащэ игуадзэу Ермилов Александрэ ащ фэгъахьыгъэу гъэтхэгум и 22-м пресс-конференцие къытыгъ.
Адыгэ лъэпкъ музей: Псэушъхьэмэ сяплъын зыIорэхэрэмкIэ, шъукъеблагъ
Мыекъуапэ, Адыгэ лъэпкъ музеим псэушъхьэ зэфэшъхьафхэм якъэгъэлъэгъонхэр тыгъуасэ (гъэтхэгу мазэм и 20-м) къыщызэIуахыгъ. Республикэм ичIыопс ис псэушъхьэмэ яплъы зышIоигъохэр ащ рагъэблагъэх. Ащ икъэбар къэзыIотагъэр Адыгеим ирадиу.
Адыгеим ипрезидентэу ТхьакIущынэ Аслъан мэфи 10-кIэ иIэнатIэ егъэтIылъыжьы
Хьау, IукIыжьыпэнышъ, зыгорэм рекIокIынэу арэп. Нахь зыIуигъэпытахьыгъэри дыхэт. КIо, иIэнатIэ нэмыкI цIэкIэ теджэхэзэ тшIыщт. ГущыIэм пае, нахьыпэм «лIышъхьэ» тIощтыгъэмэ, джы «шъхьэ» закъор дгъэфедэн фаеу къекIы. Мары ащыкIэ ежь президентым ипресс-къулыкъу къытхырэр:
КБР-м илIышъхьэу Къанэкъом къоджэдэсхэр елъэIух чIыгу Iофым къыпыкIыщт машIом дэмыджэгунэу
БлэкIыгъэ тхьэмафэм къоджэдэсхэу КБР-ым щыщ чылэ зэфэшъхьафхэм ащыпсэурэхэр республикэмрэ РФ-мрэ япащэмэ закъыфагъэзагъ. Тэ ахэм атхыгъэр зи хэтымыгъэкIэу къэтэтыжьы.
Мэлылъфэгъум и 25-эу Адыгэ Ныпэм зыщимэфэкIым Мыекъуапэ Джэгу щашIыщт
Мэлылъфэгъум и 25-м сыхьтыр 6-м Адыгэ Ныпэм имэфэкIым къуаджэмэ къарыкIыгъэхэри, къэлэдэсхэри Мыекъуапэ игупчэ шъхьаIэ щызэрэугъоищытых. КъэлэдэхьапIитIа, ща, плIа агъэфедэщтыр джыри гъэнэфагъэп, ау машынэмэ арысхэу, шымэ атесхэу, Адыгэ Ныпэхэр аIыгъхэу хьакIэхэр къеблъэгъэщтых. Адыгэмэ язэикI Ныпэр зэрэштагъэр, ащ итарихъ агу къызагъэкIыжьыкIэ Джэгум пчэгур рагъэубытыщт.
