Апэрэ цIыфыр гъунэнчъэ дунаим зыщынэсыгъагъэр илъэс 50 зэрэхъугъэм фэгъахьыгъэу физикэмкIэ я V-рэ республикэ фестиваль Адыгэ къэралыгъо университетым ишIэныгъэ тхылъчIэлъыпIэм мэлылъэфэгъум и 12 къыщызэIуахыгъ. Адыгэ Радиом къызэритыгъэмкIэ, фестивалыр мэфипшIэ кIощт.
А мафэм кIэлэеджакIохэм яшIэныгъэ зэIукIэкIэ фестивалыр къызэIуахыгъ. КъэлэпэпкIэ къуаджэу Инэм къикIыгъэ пшъэшъэжъыеу Ештокина Викторие Инэм къыщыхъугъэ космонавтэу Березовой Анатолий игущыIэ фэгъахьыгъагъ. Мыекъуапэ дэт я 22 еджапIэм икIэлэеджакIоу Ныбэ Руслъан тыгъэ нурэм инэшанэмэ къатегущыIагъ.
Фестивалым хэлажьэхэрэм аIэкIэ ашIыгъэ къухьэлъатэхэр ятIонэрэ мафэм къагъэлъэгъощтых, нахь дэгъури ахэм къыхахыщт. Ащ ыуж физикэмкIэ шIэныгъэу яIэхэр кIэлэеджакIохэмрэ студентхэмрэ аушэтыщтых.
Зэнэкъокъум хагъэунэфыкIырэ чIыпIэхэр къыдэзыххэрэм Адыгэ Республикэм шIэныгъэмрэ гъэсэныгъэмрэкIэ иминистерствэ и дипломхэр аратыщтых.
Шъугу къэтэгъэкIыжьы, илъэс 50-кIэ узэкIэIэбэжьмэ мэлылъфэгъу мазэм и 12 Гагарин Юрий космосым (уаимым) быбгъагъэ.
natpressru.ru
