Гъэзетэу «Адыгэ макъэр» пчыхьалъыкъуаемэ ащыщэ къизытхыкIырэ горэр Натпресым и редактор шъхьаIэу ЩэшIэ Аслъан етхьаусыхылIагъ. ШIомытэрэзэу зыгорэхэр къыпчъыгъ. «Адыгэ макъэм» и редактор шъхьаIэу Дербэ Тимур тымышIэу арэп шъхьаем, занкIэу а гущыIэхэр етхьылIагъэхэп. Сыда пIомэ, нэмыкIхэми, гущыIэп пае, ТхьакIущынэ Аслъан, КъумпIыл Мурат ащ къыIуагъэхэр ашIогъэшIэгъоны хъункIэ енэгуягъо.
«АпэрэмкIэ, — къыIуагъ тыздэгущыIагъэм, — пенсиеу сфагъэуцугъэр зыкIи сфэмыхъурэми, гъэзэтым икъитхыкIыгъо амал иIэу блэзгъэкIырэп. НэмыкIи сыкIэтхэн слъэкIырэп. Ау мы гъэзэтыр имыкъоу программэ Адыгэкъалэ сыкIонышъ, къисхынэу мэхъу. Ар тэрэз-тэрэзэу «Адыгэ макъэм» къырагъэхьажьрэп, ау телевизорыми теплъыба!»
«ЯтIонэрэмкIэ, — къыкIэлъыпидзагъ гушыIэгъу тызфэхъугъэм, — ТхьакIущынэ Аслъанрэ, КъумпIыл Муратрэ лъэIу сфыряI: япортрехэр тэ гъэзэтым тыкIатхэрэмкIэ къытфарэгъахьых. Сталиным ипортретхэр тятэмэ зэрашIыщтыгъэм фэдэу, дэпкъымэ тиунэхэмкIэ щятIулIыщтых. Ар зыкIасIэр, мафэ къэс гъэзетэу «Адыгэ макъэм» ясурэтхэр итых, ащ пае узэджэнэу къинэрэри нахь макIэ мэхъу».
Гъэзэтеджэу къыддегущыIагъэм къызэриIорэмкIэ, нахьыпэм тарихъым фэгъахьыгъэу, анахьэу адыгэ лIакъохэм къэбарэу апылъыр къихьэщтыгъэ. Джы ахэри щыIэп. Щытхъу, щытхъу, зэщытхъужь – нахьэбэм ары иплъагъохэрэр. Ари къыригъэкIугъэп.
natpressru.ru
