КультурэмкIэ министрэу Чэмышъо Гъазый, Лъэпкъ IофхэмкIэ IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ комитетым ипащэу Шъхьэлэхъо Аскэр, и Куп зэхэтэу «Адыгэ Хасэ – черкес парламент» зыфиIорэм итхьаматэу Хьэпэе Арамбый мэлылъфэгъум и I4 Адыгэ Республикэм илIышъхьэу ТхьакIущынэ Аслъан зыIуагъэкIагъ.
Мыекъопэ игупчэ щашIынэу рагъэжьэгъэ саугъэтэу ЗыкIыныгъэр ыкIи ШIэжьыр зыфиIорэм фэгъахьыгъэу Iофхэр зэрэлъыкIуатэрэм, анахьэу анаIэ зытырагъэтын фаехэм ахэр атегущыIагъэх. Саугъэтым имызакъоу ар зэрытыщт гупчэри зэрэзэтрагъэпсыхьащтыр, ащкIэ къатефэрэр зэшIуахыным зэрэфэхьазырхэр пытагъэ хэлъэу ТхькIущынэ Аслъан къыIуагъ. МыщкIэ къэбарыр тэзгъэшIагъэр Адыгэ Радиор ары.
natpressru.ru
