Илъэсий зымыныбжь Джамырзэ Алекс джыри Австралием ичемпионы цIэр тхэквондомкIэ къыдихыгъ

adminshazzo
Просмотров: 62

Тхэквондо. Австралием изэнэкъокъу

Адыгэ кIалэр чемпион

Австралием тхэквондомкIэ изэIухыгъэ зэнэкъокъу нэбгырэ 1000 фэдиз хэлэжьагъ. Дунаим испортсменхэр Канберрэ зыщызэIокIэхэм илъэсиим нэс зыныбжьхэм якуп адыгэ кIалэу Джамырзэ Алекс апэрэ чIыпIэр къыщыдихыгъ.

ИлъэситIукIэ узэкIэIэбэжьмэ, мастерэу Ин Чеола Йоо ыгъэсэрэ Джамырзэ Алекс Австралием тхэквондомкIэ изэнэкъокъу бгырыпх шIуцIэр къыщыфагъэшъошагъ. Илъэси 6 зыныбжь кIэлэцIыкIухэм ащ фэдэ щытхъуцIэ нахьыпэкIэ къыдахэу къыхэкIыгъэп. ИлъэситIу зытешIэм хэпшIыкIэу иухьазырыныгъэ хигъэхъуагъ.

Нэбгырэ зырызхэм тхэквондомкIэ язэIухыгъэ зэнэкъокъокъоу Австралием джырэблагъэ щыIагъэм дышъэ медалыр къыщыдихыгъ. БэнакIохэм яIэпэIэсэныгъэ икъэгъэлъэгъонкIэ тыжьын медалыр къыфагъэшъошагъ. Спортым хэшIыкI фызиIэхэм къызэрэраIорэмкIэ, Джамырзэ Алекс икъулайныгъэ къыгъэшъыпкъэжьын зэрилъэкIыгъэм дакIоу, иIэпэIэсэныгъэкIэ бэнакIохэм хэпшIыкIэу къахэщыгъ.

Кореем, Германием, Францием, Ямайкэ, Японием, США-м, Бразилием яспортсменхэм Джамырзэ Алекс атекIуагъ. Илъэсий зыныбжь адыгэ кIалэр Олимпиадэ джэгунхэм ахэлажьэ шIоигъу. Австралием игъэзетхэм къызэратхырэмкIэ, Джамырзэ Алекс исэнаущыгъэкIэ, кIуачIэмрэ къулайныгъэмрэ зэригъэфедэрэмкIэ спортсмен цIэрыIо дунаим щыхъун ылъэкIыщт.

Адыгэ макъ

natpressru.ru

Связанные посты

Адыгэ лъэпкъ-гъэкIодыр Украинэм къыштэнэу зызэрэфагъэзагъэр еплъыкIэ зэтекIхэр иIэх

Украинэм ипарламент адыгэ лъэкъгъэкIодыр къаштэнымкIэ лъэIу зэрэфырагъэхьыгъэм теуфагъэу еплъыкIэ зэфэшъхьафых ежь адыгэхэм азфагу къекIокIрэр. КIэлъэIум кIэтхагъэхэм ащыщ Адыгеим щыщ журналистэу ЩэшIэ Аслъан, тарихълэжьэу Абрэдж Альмир, израиль щыщ политологэу Шмулевич Авраам, Дунэе Къушъхьэ Конгрессым икоординаторэу Дагъстан щыщ Магомедов Магомед, Къохьэпэ хэхыныгъэ зыфиIорэ партым хэт Кулокова Эльвира.
adminshazzo

Украинэм адыгэ лъэпкъгъэкIодыр илъэсым ыкIэ нэс ыштэным ежэх

Украинэм и Парламент адыгэ лъэпкъгъэкIодыр ыштэнэу мы мафэхэм фэгъэзэныгъэ фашIыгъ. КIэлъэIум кIэтхагъэхэм ащыщ Адыгеим щыщ журналистэу ЩэшIэ Аслъан, тарихълэжьэу Абрэдж Альмир, Израиль щыщ политологэу Шмулевич Авраам, Дунэе Къушъхьэ Конгрессым икоординаторэу Дагъэстан щыщ Магомедов Магомед, КъохьэпIэ хэхыныгъэ зыфиIорэ партием хэт Кулокова Эльвира, Адыгэ дунэе лъэпкъ-культурэ гупчэу «Фитыныгъэр».
adminshazzo

ХэбзэгъэуцугъакIэм адыгэ лъэпкъэгъумэ зэрар къафихьыным Адыгеим щытещыныхьэх

КъэралыгъуитIумэ зэряцIыфым епхыгъэ къэушыхьатыныгъэхэр Iуахыжьыным игухэлъ УрысыемкIэ IэнэтIэIыгъхэм къыщхагъщыгъ. ХэбзэгъэуцугъакIэ хъунэу щытэу зыхэплъэнэу агъэхьазыррэ шапхъэм зэритымкIэ, цIыфмэ зы къэралыгъоу зырицIыфмэ зышIоигъор къыхахын фае хъунэу ары къызэрэхъущтыр хэбзакIэр унэшъошIмэ аштэмэ.
adminshazzo

Добавить комментарий

Ваш адрес email не будет опубликован. Обязательные поля помечены *