KAFFED (BASIN) 09-01-2012 – Каффед-ым илIыкIохэр Сирием щыпсэурэ Черкесхэм ящыIакIэ зытетым еплъынхэу Сирием кIощтых. Федерацием къызэрэщыкIагъэтхъырэмкIэ, Сирие Посольствэмрэ, IэкIыб къэралыгъо IофхэмкIэ Тыркум иминистерствэмрэ, ХэкужъымкIэ мы Iофым ехьылIэгъэ пшъэрылъхэр зиIэхэмрэ мы IофымкIэ адэгущыIэх.
Федарацием къыIорэ джэпсалъэм мыхэр итых: «Тилъэпкъ и Хэкужъ къырафи Осмэн къэралыгъом къызафы уж, зао-банэхэм, бырсырхэм къахэкIэу къэралыгъо гъунапкъэхэр зэблэхъухи Иордание, Израиль, Сирие къэралыгъохэм Тыркуем нахьыпэм щыщыгъэ адыгэхэр ащыпсэхэу хъугъэх.
Мы аужырэ лъэхьанэхэм Сирием ыкIоцI къыщытэджыгъэ бырсырым ыкIи тилъэпкъэгъухэм къарыкIощтым тызэрэфэгумэкIырэм къыхэкIэу Каффед-ым щыщ куп горэ ащ щыпсэурэ Черкесхэм ящыIакIэ зытетыр зэригъэшIэнэу кIощт. Федерацием къызэриIорэмкIэ, Сирие Посольствэмрэ, Тырку IэкIыб къэралыгъо IофхэмкIэ иминистерствэмрэ, ХэкужъымкIэ мы Iофым ехьылIагъэ IэнатIэ зиIэхэм тадэгущыIэ.
Дамаск ыкIи Алеппо Хасэхэм ятхьаматэхэм ыкIи Сирием щыпсэурэ тилъэпкъэгъу горэхэм тызадэгущыIэм бырсырым зэрэхэмылажьэрэхэр къытаIуагъ. Ау Сирием икъэралыгъо гъэпсыкIэр зытетыр зэрэнафэм пае Iофым ишъыпкъапIэр тшъхьэкIэ зэдгъэшIэн тыгу хэлъ.
ТифедерациекIэ Сирием тилъэпкъэгъоу нэбгырэ 30 000 (Мин щэкI) зэрэщыпсэурэм къыхэкIэу мы Iофым тызэфэсакъызэ тылъэплъэ. КъаIорэ-ашIэрэмкIи мы мин щэкI фэдиз хъурэ тилъэпкъэгъухэм яягъэ рамыгъэкIыным, зекIонхэу фаехэми афэсакъынхэу джэлсалъэм ычIэгъкIэ къычIэтэгъэлэтхъыкIы».
ЗэзыдзэкIыгъэр Ацумыжъ Хьилми,
P.S. Мы къэбарымкIэ къыдгурымыIуагъэ зы: сыдым фэшIыкIэ мыщ фэдиз дэдэу Сирием щыпсэурэ адыгэмэ япчъагъэ KAFFED-ым зыфыхигъэкIыгъэр? Политикэ Iофэу ара, хьаури адрэ тилъэпкъэгъухэу мин щэкIым къыхимыубытэхэрэр адыгэу амылъытэу ара?
natpressru.ru
