Тыркуем щыпсэурэ адыгэмэ псыкъиуным зэрар зэригъэкIыгъагъэмэ апай IэпэIэгъу къагъахьыгъ. Адыгеим ащыщхэу къэкIуагъэмэ ар къадырагъахьыгъ. Бзэм епхыгъэ Iофыгъомэ зэрагъэгумэкIырэр зэIукIэгъоу Республикэ комитетэу лъэпкъ IофхэмкIэ, зэлъэпкъэгъумэ язэпхыныгъэкIэ ыкIи къэбарлъыгъэIэс амалхэмкIэ лажьэрэм зэхищагъэм лIыкIохэм къыщаIуагъ.
Адыгеим ипсыхъохэр нэпкъхэм къаздэкIым зэрарэу къыздихьыгъэм гугъу-емылIэу зыпари къыгъэнэгъагъэп. Къэбарыр тилъэпкъэгъумэ залъыIэсыми, апэрэ IэпэIэгъур Тыркуем къикIыгъагъ. «Ахэм ауж тыкъинагъэми, тфэлъэкIырэмкIэ тэри IэпэIэгъу тыхъу тшIоигъу», — аIуи, Тыркуем дэт къалэу Чорум и «Адыгэ Хасэм» ыцIэкIэ доллар мин лIыкIохэм къарагъахьыгъ.
ШIэжьыкъо Зафиррэ Хъурымэ Феркамрэ Iофыгъоу зыгъэгумэкIыхэрэр шъхьэихыгъэ къашIыгъ – бзэр кIодымэ лъэпкъыри зэрэкIодыщтыр анахь шъхьаIоу алъытэ. Узэгъусэу узэрэзэдэлэжьэн фаери къэкIуагъэхэм къыхагъэщыгъ. Мыгъэ нэбгыритIу Адыгеим икIынышъ, Тыркуем кIонхэу зэзэгъыныгъэ зэдашIыгъ. Бзэм, культурэм алъэныкъокIэ ахэр лэжьэщт.
Адыгэ Радиом къытыгъэ къыбар
natpressru.ru
